Значи вака – неспорно е дека македонскиот народ отсекогаш го бивало за да создаде песна или приказна, па имаме огромно културно наследство. И сосема е ОК тие песни или приказни да се паметат зашто се дел од културата и не треба времето да ги однесе. Ама јас лично никогаш не сум сметал дека се’ што е старо е добро и не смее збор да се каже за тоа само зашто е македонско. Меѓу старите македонски песни има некои навистина убави, но има и такви кои се бизарни, нелогични, без никаква смисла или не вредат пет пари. Па ме чуди дали некој всушност заслушал за што се зборува во песната што ја слуша. И тоа не мислам на некои што-ти-знам-од-кое-село песни, туку од такви што ги сметаат за „класици“, како:

- Царот неготински

На секоја свадба каде што сум бил оваа песна мора да ја свират по пет пати и сето тоа е придружено со восхит и патриотски крикови. Патриотски? Ова е патриотска песна? Ај да видиме… Значи од првите стихови слушаме дека главен јунак бил некој Хусо Темјанички, кој „успат“ бил и цар неготински (на што се однесува ова цар, дали на прв фраер или така нешто, немам појма). И тој Хусо го карала мајка му да не оди на каурска свадба.

Карала го мајка, Хусо темјанички,
Хусо темјанички, царот неготински.
Ај послушај Хусо, старата си мајка,
немој не ми оди на каурска свадба.

Ако некој не чул што значи „каурска“ да си знае дека „каур“ е погрден израз со кој Турците ги викале христијаните, нешто како „нигер“ за Црнците. Значи дека Хусо бил Турчин и го карале да не оди на христијанска свадба. Читај на македонска. А зошто да не оди?

каури се лоши, ќе се поднапијат,
ќе се поднапијат, ќе ми те убијат.

Аааа? Еј мајката колку Турците не сметале за гадови. Значи ние после три ракии колиме, бесеме, сечеме. Кој народ го прави тоа? Ние сме биле полоши од нацистите…. Ама Хусо не бил глуп, и рекол на мајка му да замолчи веројатно зашто Хусо цело време терал ќеиф со нашите и зашто е надвор од здрав разум да мисли некој дека на свадба ќе му го кркнат ножот само зашто некој на пијано решил да го емитира Џејсон Вурхис. И што станало? Штом е ова патриотска песна, сигурно нашиве ја покажале својата хумана страна, се испијанчиле со Хусо, си удриле мајтап а Хусо се вратил дома и и рекол на мајка си: Гледаш ма какви мангупи се Македонциве? Од утре одам со нив по риби, ич не ми чуе што вели пашата за нив! Арно ама…

Каурите лоши, ми се поднапиле,
ми се поднапиле, Хусо го убиле.

Или па не. Изгледа мајка му на Хусо била во право… Чекај, ова требаше да биде патриотска песна? Патриотски е секогаш кога ќе се изналокаш да утепаш некој зашто не ти е по ќеф? Толку сме ние акнати во главата? Песнава мене ми личи на многу јак автогол, зашто Борат да сакал немало толку да ни направи антиреклама….

- Назад, назад, Калино моме

Сите ја знаете, нема што целата да ви ја пишувам. Ќе бидам краток зашто тука и не ми е проблем целата песна. Оваа песна си е типично швалерско-сеирџиска (а такви има многу кај нас). Калина е запалена за некој типац, кој инаку е женет човек, ама оваа упорно му се бута пред нос, што ја прави Калина една од македонските средновековни спонзоруши. И така Калина му вели ова ќе направам или она да дојдам до тебе, ама овој испаѓа вистински македонски џентлмен и шизик, па културно и ладнокрвно смислува изговори за да ја одбие. И на крајот доаѓа финалето каде Калина нежно му вели:

Ќе се сторам јас црна чума
и пак кај тебе ќе дојдам.
Жена ќе ти сотрам,
дечиња ќе гледам,
вечно твоја ќе бидам.

Oh my God…. She’s The Smoke Monster!!

Шега настрана, јас знам дека женска може на женска очите да и ги ископа за да и земе маж, ама ова е малце ектремно. Интересно е што после завршува песната и не е дадена реакцијата на типот. Ама препоставувам дека таа била „бегај додека можеш“ (во најлесна форма) или сочен средновековен шамар (во хардкор форма). Мислам, кој нормален ќе падне на ваква романтика? Од кога најлесниот пат до машкото срце е да му кажеш дека ќе му ја зацрниш фамилијата?

- Сестра кани брата на вечера

Претходните две песни беа добри за фаќање сеир, ама за оваа отворено ќе кажам – ова е глупа и одвратна песна која нема нормална логика. Како може нешто вакво да биде нормално:

Сестра моли брата за вечера
ајде, ајде брате да вечераме.
Вечерајте сестро не чекајте ме
јас сум било сестро у меана.

Јало, пило сестро, сум се опило
голем зулум сестро сум направило.
Сум заклало еден син на мајка
сега они барат крвнината.

До тука е во ред нели? Сестрата го кани брат и, а брат и да ти бил некој пијаница и тепач по кафани, ама добро, каков е-таков е, брат и е, па културно го кани. Ама после ова во втората строфа не верувам дека нa некој му било до јадење. Очигледно братов сега го бараат и под дрво и под камен, и нормално би било сестрата да има две опции. Или да го испартали надвор и да го остави да му дадат што му следува или ако веќе толку и е драг, да го скрие. И што направила мудрата сестра?

Ајде, ајде брате да вечераме,
за крвнина брате колај бива.
Сестра има брате девет сина,
едно сине мајка ќе прежали.

Прежалила мајка најмалото,
најмалото, мајка, најубавото.

WTF???? Од каде да почнам? Колај бивало за крвина? Како да зборат за купување краставици од пазарче. И мајката (пази – МАЈКАТА) ќе даде да и убијат син само за да заштити убиец? И тоа ни крив ни должен син. Како ќе му каже? Сине, остај тоа книгата, дај апни нешто набрзина и излези до надовр да те заколат, ние тука со вујко ти имаме еден муабет? И зошто баш најмалото? Фрлале паричка или сламка влечеле? И што е најморбидно, пак мртва ладна си го кани да вечераат. Значи додека некој и го убива синот надвор, таа внатре си вечера со човекот кој е крив за тоа и кој на прво место не и ни рекол да си даде син??

Значи во Македонија немало и ќе нема нешто позакон од старите скечеви на К-15 кога им текнуваа вакви оригинални идеи за зафрканции

Ај сега некој искрено нека се пофали ако ги гледаше викендов првите епизоди од турските „Очајни домаќинки“. Канал 5 решија еднаш за промена тие да бидат пионери на нашава ТВ понуда, и да синхронизираат турска серија (и тоа римејк на американска) и да се преправаат дека даваат македонска серија. Ај што решија да го пренесуваат ова, и да им го расипат филмот на фановите на оригиналната серија (јас лично немам гледано ниедна епизода од Desperate Housewives, aма препоставувам како им е на тие што гледале), туку барем да си ги оставеле оригиналните имиња на ликовите. Вака не’ фаќаат на финта, со насловот на серијата да се вклопат и овие домаќински имиња како Гоца, Таца, Паца….

Туку не знам дали знаете дека ова не им е првпат на Турците да направат нивна верзија на светски позната серија или филм. Мислев дека во 21-ви век веќе престанале со тоа, ама јок. На времето во Турција биле забранети холивудски филмови, па тие дошле на идеја да си прават свои верзии на:

Супермен (со ефекти како Бизнисмен од К-15)

Егзорцист („Шејтан“)

Е.Т. („Хомоди“)

Star Trek

И најјакото меѓу најјаките што не се опишува со зборови – Рамбо

Интересна вест осамна утрово на една од најпознатите филмски страни, IMDb. Наводно, најпознатиот балкански режисер со светска слава Емир Кустурица подготвува римејк на англиски јазик на нашиот класичен филм, „Македонска крвава свадба“. Босанскиот режисер изјавува дека отсекогаш бил фасциниран од драмата на Војдан Чернодрински, и смета дека е потребно да се сними еден ваков проект, како еден вид одговор на многуте турски серии кои го преплавија Балканот и придонесуваат кон извртување на историјата на овие простори.

Уште поголемо изненадување е што за улогата на Спасе (кој наводно во филмот ќе имал некое помодерно име) е планиран Кристијан Бејл, кој годинава ќе биде во центарот на вниманието зашто по трет пат ќе го глуми Бетмен. За улогата на Осман бег се планира Колин Фарел, што е доста интересно, зашто Фарел претходно го глумеше Александар Македонски. Како Цвета била замислена Меган Фокс, но поради нејзината бременост ќе биде заменета со некоја помалку позната актерка, која изгледа ќе биде од балканските простори.

За повеќе информации, можете да го погледнете линкот од оригиналната статија.

Една од најинтересните работи на Интернет на кои налетав во скоро време се ваквите зафрканции на тема како ќе изгледаат легендарните филмови ако дејството оди во спротивен правец. Еве едни од најинтересните:

- Ако го гледте Jaws наопаку, се зборува за ајкула која започнува да повраќа луѓе се додека тие не отворат плажа.

- Ако го гледате Alien наопаку, ќе видите како големо чудовиште се смалува и влегува во градите на еден тип, смирувајќи го испаничениот екипаж.

- Ако го гледате Batman Begins наопаку, се зборува за лудак кој се шета наоколу во костим на лилјак, се додека не биде излечен со тоа што ќе падне во дупка полна со лилјаци.

- Ако го гледате Cloverfield наопаку, тоа е филм за чудовиште создадено од американските воздухоплвни сили кое трча низ Њујорк и поправа се што е срушено, додека не отплива. После сите имаат забава и си легнуваат да спијат.

- Ако го гледате Benjamin Button наопаку, се работи за едно дете кое расте, старее и умира.

- Ако го гледате Scarface наопаку, се работи за еден човек кој се откажува од кокаинот и криминалот за да го следи својот сон да стане мијач на садови за да заработи доволно пари за да ја посети Куба.

- Ако го гледате Matrix наопаку, на Нео му здосадува да ги користи супер моќите за да се бори со агентите, па оди во бродскиот компјутер каде од мозокот ги брише сите кунг фу техники што ги знае, па влегува во Матрицата и започнува нов живот како господин Андерсон.

- Ако го гледате Pretty Woman наопаку, ќе видите како Ричард Гир ја претвора Џулија Робертс во проститутка.

- Ако ја гледате Lord Of The Rings трилогијата наопаку, тоа е сага за еден мал тип кој вади кул прстен од еден вулкан и ги поминува следните филмови на пат кон дома.

- Ако го гледате Memento наопаку, филмот има секаква смисла.

Се сеќавате на цртаните за Бананамен? За Кире што јаде банани и се претвора во суперхерој? Побарав некои од овие цртани на YouTube, и баш се изненадив кога гледам дека има повеќе епизоди, и тоа со македонска синхронизација, од МТВ. Човече, кој fail е овој лик. Веројатно најретардираниот суперхерој на сите времиња.

А мислев дека цртаните се од некоја источноевропска земја, пошто во бившите комунистички земји се правеле вакви истрипани цртани филмови, ама прогуглав малку, и пак се изненадив кога видов дека Бананамен бил всушност британски стрип, а подоцна почнале овие цртани. Автор на ликот е Џон Гиринг. А името на детето во оригинал е Ерик (спротивно од Кире). Ликот на Бананамен е создаден како една пародија на Супермен, а и негативците се пародии на познати стрип негативци. Еве една од епизодите на Бананамен, да се потсетите што „бисер“ од суперхерој е ова:

Сте гледале смешни клипови, гафови, ретардирани ТВ репортажи и емисии? Епа се што сте гледале е нула за овој клип. Еве еден прилог од InTV, телевизија на нашите иселеници во Австралија. Имено, на некој пејач/водител/бизнисмен/шоумен му текнало идеја да го прослават Божик – среде јули. Репортажата е токму за оваа гозба. Кога ќе се соберат збунета новинарка, wannabe шегобиец, „специјални гости“ и алкохол, се добива ова. Предупредување – по гледањето на овој клип ќе посакате да изгледате емисија на МТВ, а Драган Вучиќ и Жаре Бербер ќе ги сметате за екстра шоумени. Вакво нешто се гледа само еднаш, пошто не верувам дека некој ова ќе си го пушти да го гледа повеќе пати…

За оние што не знаат, вирално видео е видео клип (смешно видео, инсерт од емисија, спортски потег, музички спот итн.) кои се шират брзо преку Интернет, во денешно време главно преку социјалните мрежи, а и преку познати веб портали и блогови. Во македонската кратка Интернет историја се појавија неколку вакви видеа кои брзо добија на популарност. Кај нас главно се работи за хумористични ситуации. Еве 10 примери за македонски вирални видеа, без некој посебен редослед на местата:

1. Пато масовно за цело село

Првото македонско Интернет видео кое стана екстра популарно. Легендарна изјава и клип кој доби многу пародии, техно ремикси и го отвори патот за други вакви видеа, со тоа што се појави баш кога Интернетот земаше замав во земјава.

2. Бех сос козите

Малку после Пато, се појави овој прилог на некогашната ТВ Виница, за ловецот Стојанчо Илиев кој отепал волчица на преслапот Липец-Градец. Овој клип прво стана мега популарен во Источна Македонија, па потоа се прошири преку Интернет. Не може да не уживате кога го слушате Стојанчо со неговата весела приказна.

3. Маанува одозгоре Господ

Е сега малку црн хумор. Не е за смеење ова што го кажува човеков, за неговиот соселанец кој го удрило гром, ама начинот на кој раскажува е приказна за себе. Не може да издвоиш најмомент од клипов, од почеток до крај е лудило.

4. Гоки од Муртино

Уште еден наш Интернет великан. Типов е ем збунет, ем возбуден, ем упорно не може да каже што мисли. А кравата што се слуша во позадината е капак на се’.

5. Бате Ване за сидата

Ванчо Таковски, т.е. бате Ване, бившиот претседател на ФК Беласица, се прослави на Интернет со ова легендарно интервју направено поради откривањето дека фудбалерот Стенли Адамс имал сида. Испровоциран од темата, бате Ване, очигледно по испиени две ракии повеќе од мерката, си го даде своето мислење за чумата на 20-от век. Се друго е историја. Топ тема, дрн дрн Милојче!

6. Груевски како млад актер

Кон средината на минатата година низ Интернет почна да кружи ова видео, во кое го гледаме премиерот Никола Груевски како статист во претставата „Грев или шприцер“ некаде на почетокот на 90-тите. Клипот наскоро се прошири по социјалните мрежи како шумски пожар. Којзнае дали тогаш имал претстава дека еден ден ќе биде премиер? Може си сонувал човеков за актерска или боксерска кариера…

7. Игор Џамбазов кај Слави Трифунов

Нашиот најпознат шоумен гостуваше во емисијата на најпознатиот бугарски шоумен во 2001 година, за време на конфликтот. Но, повеќето Македонци за емисијата разбраа по експанзијата на Интернетот, кога почетокот на интервјуто стана вистински хит во македонската Интернет сфера. Секоја чест за Игор, успеа да го остави Слави Трифунов збунет и без зборови во неговата емисија. Инаку, целото интервју е ставено на YouTube неодамна.

8. Тони Михајловски vs Цаци Паковска

Откако во нејзината емисија за мода Паковска рекла дека се облекува како оџачар, Тони Михајловски и врати мило за драго во „Опуштено“, во негов стил. Цаци, а и многу други, разбраа дека Тони не е човек со кого може лесно да се зафркавате.

9. Шутирај колку сакаш…

Е ова е можеби првиот класичен македонски Internet meme. Коментар на Игор Трпевски на натпреварот Македонија – Израел од Евробаскет 2009, кога Македонија победи во неизвесен меч. Сакаше да му се потсмее на израелскиот шутер, а сам се фати во замка. Реакцијата му е легендарна. Инаку, на YouTube има многу пародии, со тоа што коментарот на Игор е вметнат на снимки на познати фудбалски натпревари.

10. Марија меси ќифлиња

За крај, нешто актуелно. Битолските хумористи Солзи и смеа не се популарни како К-15 со своите скечеви, но затоа со песнава (обработката на Марија Мета Китрина) направија полн погодок. Не само што видеото има голема гледаност на YouTube, туку и на социјалните мрежи беше споделено сигурно илјадници пати.

Немав време викендов за некој поголем пост, па ајде да не останам три дена по ред без ништо, еве од мене уште еден луд клип, овој пат стандардна балканштина. Некаде во Србија, фолк изведба на Another  Brick In The Wall и Paranoid. Музиката е таа, а текстот… слабо англискиот. Поздрав, се читаме.

Два клипа од бугарски детски емисии кои гарантирано ќе ве насмеат. Прво, една постара снимка, каде малиот го прашуваат што сака да стане, а тој ќе си каже најискрено – „Искам да си стана дилер“. Зошто сака да биде дилер, и дали има друга алтернатива за професија, дознајте од видеото:

На второто, нема некој коментар, едноставно погледнете го. Малово типче „го боли уво“ за се.